Turinning “Yuventus” klubi hujumchisi Gonsalo Iguain jamoasining bu mavsum EChLda g'olib chiqa olishiga ishonmoqda.
“Men har doim jamoa uchun ishlayman. Agar gol ursam, xursand bo'laman, ammo asosiy vazifam jamoamning g'alabasiga yordam berish. Biz EChLda oxirigacha borishimiz mumkin.
“Evropa chempionlar ligasi mo''jizaviy musobaqa. Bo'lajak o'yinda biz musobaqaning keyingi bosqichiga chiqishimiz mumkin. Mavsum biz uchun yaxshi o'tmoqda. Agar “Lion”ga qarshi bahsda g'alaba qozona olsak, guruhda birinchi o'rinni rasmiylashtiramiz. Butun hafta davomida maqsadimiz sari ko'p ter to'kdik. Men futbolchi sifatida o'sdim”, – deydi Iguain.
Eslatib o'tamiz, “Yuventus” – “Lion” bahsi bugun tunda soat 00:45da start oladi.
— deya xabar beradi uff.uz nashri.