«Liverpul» klubi sobiq himoyachisi va ayni vaqtda ekspert sifatida faoliyat yuritayotgan Jeymi Karrager Madridning «Real» klubi hujumchisi Krishtianu Ronaldu va «Barselona» hujumchisi Lionel Messi haqida fikr bildirdi.
- Oxirgi bir necha yil davomida bir savol mudom berilib kelindi: Ronaldu yoki Messi - sen qaysi tomondasan?
«Oltin to'p»ga da'vogarlar ro'yxati ma'lum qilindi va Ronaldu to'rtinchi marta uni qo'lga kiritish uchun eng yaxshi imkoniyatga ega. U «Real»ning bir qismi sifatida EChLda g'olib chiqdi va Portugaliya terma jamoasi bilan Evro-2016 g'olibi bo'ldi.
Men individual sovrinlar borasida Arsen Vengerning  fikriga qo'shilaman. U bunday sovrinlarni yoqtirmasligini, chunki bir necha futbolchilar ular sabab jamoadan ko'ra shaxsiy ko'rsatkichlar haqida ko'proq o'ylashini aytgan edi.
Bu fikrlar Messiga tegishli emas. Ishonchim komil, u individual sovrinlar yutib olishni yaxshi ko'radi va o'zining beshta «Oltin to'p»i bilan faxrlanadi. Ammo shu bilan birga u jamoaviy o'yinchi hisoblanadi. Bu holat uning Neymar, Suares va «Barselona»ning boshqa futbolchilari bilan birga golni nishonlashidan ham ko'rinib turadi.
Ammo Ronaldu? Xuddi u Chempionlar ligasidagi g'alabadan ko'ra «Oltin to'p»ni qo'lga kiritishdan ko'proq xursand bo'ladigandek tuyulmoqda. «Atletik»ka qarshi kechgan o'yinni olaylik. Morata gol urgan vaziyatda Ronaldu o'yindan tashqari holat bo'lgani haqida hakamga gapirganida o'zimni kulgudan to'xtatib tura olmadim. Uning ba'zi jamoadoshlari Ronalduni noto'g'ri tushunishgani haqida gapirishdi, ammo fotosuratlarga bir qarang.
Messi va Ronaldu o'rtasida katta farq bor. Men kim tomonda ekanimni yashirmayman. Har safar - Messi tomonman, - deydi Karrager.
— deya xabar beradi uff.uz nashri.