"Barselona" klubi sobiq prezidenti Joan Laporta navbatdagi marta kataloniyaliklar rahbariyatini tanqid qilib o'tdi.
"Agarda moliyaviy masalalarda klub barqarorlikka erisha olmasa, rahbariyat iste'foga chiqishi lozim bo'ladi. Ayni vaqtda vaziyat juda xavotirli. Chunki «Barselona» Qatarning qo'lida qolib ketgan.
Rahbariyat klub tarixidagi eng yaxshi homiylik shartnomasini imzolashga yaqin turganini aytmoqda. Ammo buning natijasida klub homiy kompaniya qo'lida qolib ketmoqda. Albatta Bartomeu ular talab qilgan har qanday narsani imzolaydi", - deydi Laporta.
Eslatib o'tamiz, biroz vaqt muqaddam «Barselona» Qatar Airways bilan yangi shartnoma borasida kelishuvga erisha olmagani aytilgan edi. Kataloniyaliklar yiliga 70 million evro olishni istamoqdalar, Qatar Airways esa bu talabni haddan ortiq ko'p deb bilmoqda. Shunga qaramay "Barselona" 2020 yilga qadar hamkorlikni uzaytirishga umid qilmoqda.
— deya xabar beradi uff.uz nashri.