Angliya chempionati 11-turidan o'rin olgan “Manchester Siti” va “Midlsbro” o'rtasidagi o'yin o'z poyoniga etdi. “Etixad” stadionida o'tgan o'yinda 1:1 hisobi qayd etildi. Birinchi bo'limda “shaharliklar” juda faol bo'ldi va uchrashuvning 43-daqiqasida Serxio Aguero hisobni ochdi. Ikkinchi bo'limda vaziyat o'zgardi va “Midlsbro” hujumlarga zo'r berdi. Hakam tomonidan qo'shib berilgan daqiqalarda de Ron gol kiritib, jamoasini mag'lubiyatdan saqlab qoldi. Pep Gvariola shogirdlari uchinchi marta o'z maydonida durang natijani qayd etdi.  Angliya chempionati, 11-tur Manchester Siti – Midlsbro 1:1
Gollar: 1:0 – 43 Aguero, 1:1 – 90+1 de Ron
Manchester Siti – Bravo, Stounz, Klishi, Sabaleta, Kolarov, Fernandino, Gyundogan (Nolito, 75), de Bryuyne, Navas (Aleysh Garsiya, 86), Silva, Aguero.
Midlsbro – Valdes, Chembers, Frend, Barragan, Gibson, Forshou, de Ron, Kleyton, Traore, Dauning (Fisher, 78), Negredo.
Ogohlantirishlar: Forshou (20), Kleyton (52).
— deya xabar beradi uff.uz nashri.