Madridning «Real» klubi hujumchisi Krishtianu Ronaldu kelasi hafta jamoa bilan yangi shartnoma imzolaydi. Xabar qilinishicha, shartnoma muddati 2021 yilga qadar davom etishi ko'zda tutilgan.
Hozirda shartnoma borasidagi muzokaralarda yagona muammoli jihat uning muddatida bo'lmoqda. Gap shundaki, Ronaldu so'nggi lahzalarda yangi shartnomani imzolashdan bosh tortib, uning muddatini 2022 yilga qadar cho'zishni talab qilib qolishi mumkin. Ammo buning ehtimoli juda kamligi aytilmoqda.
Eslatib o'tamiz, 31 yoshli Ronaldu 2009 yilda «Manchester Yunayted»dan 94 million evro evaziga sotib olingan edi. Tasdiqlanmagan ma'lumotlarga qaraganda hujumchi ayni vaqtda «Real»da yiliga 21 million evro maosh oladi.
— deya xabar beradi uff.uz nashri.