Kolumbiya terma jamoasi bosh murabbiyi Xose Pekerman so'nggi bir yilda birinchi marta termaga chaqirilgan Radamel Falkaoning jismoniy holatidan ko'ngli to'q ekanini aytdi. Falkao TsSKAga qarshi (3:0) Evropa Ligasi hamda “Nansi”ga qarshi (6:0) Frantsiya chempionatida dubl qayd etishga muvaffaq bo'ldi. “Falkao Kolumbiya termasi uchun doim muhim futbolchi bo'lib kelgan. Afsuski, jarohati tufayli u JCh–2014 da ishtirok eta olmadi. Hozir bizni navbatdagi mundial kutib turibdi. Radamel hozir yaxshi jisnomiy holatda. U pastdan yuqoriga harakatlandi. Umid qilamanki, uni ulkan zafarlar oldinda kutib turibdi. Biz unga ishonamiz”, – dedi Pekerman. Ma'lumot uchun, Kolumbiya termasi JCh–2018 musobaqasiga saralash bosqichining navbatdagi o'yinlarini Chili (10 noyabr) va Argentinaga (15 noyabr) qarshi o'tkazadi. 
— deya xabar beradi uff.uz nashri.