Qarshining «Nasaf» klubi qashqadaryolik tajribali jurnalist va sharhlovchi Xusan Temirovni tavallud ayyomi bilan muborakbod etdi.
- Husan aka Temirov. Oqsoqol jurnalist. Butun umrini shu sohaga baxshida etgan inson. Husan aka jurnalist sifatida radioda, gazetada va televideniyada ham faoliyat yuritdi va yuritmoqda. U kishi o'zining mehnati, kasbiga bo'lgan mehri evaziga katta hurmat va e'tirof sohibiga aylandi. Tabiatan xushchaqchaq, ochiqko'ngil bo'lgan Husan akani hammamiz hurmat qilamiz, e'zozlaymiz. Bugungi kunda Husan aka hayoti davomida orttirgan kasb mahoratini yoshlar bilan baham ko'rib kelmoqda. Shundanda u kishining shogirdlarini sanab adog'iga etish qiyin. Husan akani futbol tarixining “jonli kitobi” deb, ta'riflasak aslo mubolag'a bo'lmasa kerak. Chunki, suhbat qilsangiz, gurung faqat futbol haqida bo'ladi. Zerikmaysiz. Voxamizda shunday inson mehnat qilayotganidan faxrlanamiz. Oilasi, farzandlari, nevaralari hamda bizning e'zozimizda bo'lgan Husan aka bugun o'zining tavallud ayyomini nishonlamoqdalar. Husan aka avvalo sizga mustahkam sihat salomatlik tilaymiz. Oila a'zolaringiz, farzandlaringiz va bizning baxtimizga doimo sog' va omon bo'ling. Umringiz uzoq bo'lsin. Farzandlaringiz, nevaralaringizning kamolini ko'rib yuring. Tug'ilgan kuningiz muborak bo'lsin! “Nasaf” PFK jamoasi
— deya xabar beradi uff.uz nashri.