Niderlandiya terma jamoasi o'rtoqlik bahsida Belgiyani qabul qildi. Uchrashuv 1:1 hisobida yakuniga etdi.
Birinchi bo'limning so'nggi daqiqalarida Yan Vertongen o'z jarima maydonchasi ichida Jermen Lensni to'xtatib qoldi. Belgilangan penaltini Davi Klassen aniq amalga oshirdi.
Uchrashuvning 82 daqiqasida belgiya terma jamoasi futbolchisi Yannik Ferreyra-Karrasko darvoza tomon kuchli zarba yo'lladi va to'p Yoel Veltmanning elkasiga tegib, rikoshet holatida Niderlandiya darvozasidan joy oldi.
Shu tariqa uchrashuv durang bilan yakuniga etdi.
O'rtoqlik o'yini
Niderlandiya - Belgiya - 1:1
Gollar: Klassen, 38 (1:0, pen) - Ferreyra-Karrasko, 82 (1:1).
Ogohlantirishlar: Klassen, 29; Veltman, 60 – Vertongen, 37.
— deya xabar beradi uff.uz nashri.