Argentina terma jamoasi futbolchilari matbuot bilan muloqot qilmaslikka kelishib oldi. Bu haqida terma jamoa sardori Lionel Messi ma'lum qilgan.
- Argentina terma jamoasi futbolchilari bundan keyin matbuot bilan muloqot qilmaslikka kelishib oldilar. Biz o'zimizga nisbatan jiddiy ayblov eshitdik. Agar hozir buning oldini olmasak, keyin kech bo'ladi.
Biz matbuot boshlagan o'yinni o'ynamoqchi emasmiz. Ular bizni "o'ldirishda" davom etadilar. Juda afsusdamiz, ammo bizning boshqa yo'limiz yo'q", - deydi Messi.
Eslatib o'tamiz, Argentina terma jamoasi futbolchilarining bunday qarorga kelishlariga Radio Mitre muxbiri Gabriel Anelo tomonidan hujumchi Esekiel Lavessi Kolumbiyaga qarshi kechadigan o'yin oldidan narkotik modda iste'mol qilgani haqidagi ma'lumot tarqatilgani sabab bo'lgan.
— deya xabar beradi uff.uz nashri.