FIFA prezidenti Janni Infantino terma jamoalar ishtirokidagi Jahon chempionati va Klublar o'rtasidagi Jahon chempionati musobaqalarining tashkiliy tizimiga o'zgartirish kiritmoqchi ekanligini aytib o'tdi. Ularning barchasi JCh-2018dan keyin kuchga kiradi.
"Hozirda Klublar o'rtasidagi Jahon chempionatining o'tkazish formulasi g'alatiroq. Uni 32ta klubga ko'paytirib, yoz faslida o'tkazish kerak. Ana shunda dunyoning eng kuchli 32ta klubi ishtirok etadi.
Terma jamoalar o'rtasidagi Jahon chempionatiga kelsak: ularning soni 48ta bo'ladi. Dastlabki 16ta terma to'g'ridan-to'g'ri chempionatga yo'l oladi. Qolgan 32tasi esa, JCh mezbon davlatida mundial boshlanishiga bir hafta qolganda pley-off tizimida o'yin o'tkazib saralanadi.
Misol uchun Italiya va Ispaniyalar pley-offda yutqazib musobaqani tark etishi mumkin. Bundan hech ham hayron bo'lish kerak emas. Axir JCh millionlar millatlarga quvonch bahsh etadi", - deydi Infantino.
— deya xabar beradi uff.uz nashri.