«Marsel» yarim himoyachisi Lassana Diarra Frantsiya terma jamoasi tarkibida Evropa chempionatida o'ynay olmaganidan afsusdaligini bildirdi.
- Men shu yil Frantsiya terma jamoasida o'ynashni juda istagan edim. Chunki ancha vaqtdan buyon meni chaqirishmay qo'yishgandi.
Frantsiyada Evropa chempionati o'tkazilishi meni juda hayajonlashtirdi. Odamlar Evropa chempionati oldidan mavsumning ikkinchi qismini yomon o'tkazganimni aytishdi. Ammo men jarohat bilan o'ynagandim va bu holat sezilarli edi, deb o'ylayman.
Evropa chempionatida o'ynay olmaganim qalbimni sindirdi. Ammo men termadagi faoliyatimni nuqta qo'yishni istamayman. Men frantsuzman va terma jamoa sari yo'lim hali tugamadi, - deydi Diarra.
— deya xabar beradi uff.uz nashri.