«Manchester Yunayted» hujumchisi Ueyn Runi Angliya terma jamoasi yig'ini vaqtida Ispaniyaga qarshi kechadigan o'rtoqlik o'yini oldidan to'yga borgani va spirtli ichimliklar ta'sirida mast bo'lib qolgani tushirilgan fotosuratlar matbuotda tarqab ketgan edi. «Manchester Siti» bosh murabbiyi Xosep Gvardiola bu haqida fikr bildirdi.
- Men ham o'z vaqtida terma jamoa sharafini himoya qilgan va ba'zida terma jamoa qarorgohida mast holatda bo'lishimga to'g'ri kelardi. Shunchaki mening omadim kelgan va hech kim suratga tushirib olmagan.
Ammo hamma, shu jumladan Runi ham o'z qilmishi uchun mas'uldir. Barchamiz insonmiz va shaxsiy hayotimiz bo'lishiga haqlimiz.
Kimdir mening shaxsiy hayotimni muhokama qilishini yoqtirmayman. Va boshqalar haqida ham gapirmayman. Men Runi va uning futbolchilik faoliyatini hurmat qilaman. Uni inson sifatida hurmat qilaman, - deydi Gvardiola.
— deya xabar beradi uff.uz nashri.