Ispaniya chempionati rekordlar kitobida Ronaldu va Messi nomlari juda ko'p qayd etilgan. Biz sizning hukmingizga La ligada gol urish bo'yicha o'ziga xos rekordlar haqida ma'lumot berib o'tamiz.
Eng yaxshi to'purar: Lionel Messi - 320 gol
"Barselona" hujumchisi Messi 2004 yildan buyon Ispaniya chempionatida 320 ta golga mualliflik qilgan. Argentinalik futbolchi oxirgi 8 mavsumda chempionatda 20 tadan ortiq gol urib kelmoqda. U 3 marta La liga to'purariga atalgan bosh sovringa ega chiqqanini ham alohida ta'kidlab o'tmoq joiz.
Bir mavsumda eng ko'p gol urgan futbolchi: Lionel Messi - 50 gol
Leo 2011/2012 yilgi mavsumda 38 o'yinda maydonga tushib raqiblar darvozalarini 50 marta ishg'ol qilishga muvaffaq bo'lgan. O'sha mavsumda hujumchi "Real" etakchisi Krishtianu Ronaldudan 4 ta gol ko'p urgan holda "Pichichi" sovriniga ega chiqqan.
Bir mavsumda uyda eng ko'p gol urgan futbolchi: Lionel Messi - 35 gol
2011/2012 yilgi mavsumda Leo chempionatda urgan 50 ta golining 35 tasida "Kamp Nou" stadionida nishonlagan. Shu tariqa, u bir mavsumda o'z maydonida eng ko'p gol urgan futbolchiga aylandi. Davomi quyidagi havolada.
— deya xabar beradi uff.uz nashri.