«Manchester Siti» bosh murabbiyi Xosep Gvardiola Angliya chempionati 12-turida «Kristal Pelas» ustidan qozonilgan 2:1 hisobidagi g'alaba haqida fikr bildirdi. Bu bahsda Yaya Ture joriy mavsumda ilk bora maydonga tushgan va ikkita gol urib, jamoasi g'alabasini ta'minlab bergan edi.
- Yaya Ture uchun juda xursandman, u ajoyib yigit. Uning vazni hozir ideal ko'rinishda, mahoratiga esa hech qachon shubha bo'lmagan.
Biz avvaliga unga ishonch bildirmagan edik, ammo u universal futbolchi va bir necha pozitsiyani birdek yopa oladi. Ture va uning oilasi uchun juda xursandman. Jamoamizda bizga yordam bera oladigan yana bir futbolchi paydo bo'ldi.
Oxirgi bir yarim oy davomida u mashg'ulotlarda ajoyib ishtirok etdi, o'zini tutishi esa ideal darajada edi. Shuningdek jamoadoshlari ham uni yaxshi ko'radilar. U bizga yanada yaxshiroq bo'lish imkonini beradi, - deydi Gvardiola.
— deya xabar beradi uff.uz nashri.