Xabaringiz bor, Toshkentning “Lokomotiv” futbol klubi 2016-yilgi mavsum yakunlariga ko'ra, O'zbekiston chempionati oltin medallariga ega chiqdi. “Temiryo'lchilar” mavsum finishiga bir tur qolganida chempionlik masalasini hal qildilar.
Ayni damda bir qator jamoalar va futbol jamoatchiligi vakillaridan ushbu munosabat bilan qutlovlar kelmoqda. Jumladan, Birinchi liga qatnashchilari – “UzDongJu” hamda “Norin” jamoalari “Loko”ni chempionlik bilan tabrikladi:
- “UzDongJu” professional futbol klubi Toshkentning “Lokomotiv” jamoasini o'z tarixida ilk bor O'zbekiston chempionligini qo'lga kiritganligi bilan jamoa rahbariyati, murabbiylari va futbolchilarini tabriklaydi.
Kelasi yili OChL bahslarida omadlar tilab qoladi. “UzDongJu” PFK matbuot xizmati
— deya xabar beradi uff.uz nashri.