"Chelsi" bosh murabbiyi Antonio Konte yarim himoyachi Eden Azarning o'yiniga izoh berdi. Eslatib o'tamiz, Belgiya terma jamoasi yarim himoyachisi Angliya chempionatida 11 uchrashuvda 7 ta gol urishning uddasidan chiqdi.
"Edenning ko'pgina yaxshi sifatlarini ko'rib turibman. U to'p bilan ham, to'psiz ham ko'p ishlaydi. Bu juda muhim, chunki mukammal futbolchi bo'lish uchun unisini ham, bunisini ham uddalash shart.
O'zingiz ham ko'rib turibsiz, u maydonda batamom erkin o'ynash huquqiga ega. Ammo u jamoadoshlarini hurmat qiladi va ular bilan birga bahamjihat harakat qiladi. Hujumda Diego Kosta va Pedro bilan o'ynaydi.
Eden har doim kombinatsiyalarda ishtirok etadi. Jamoadoshlari har doim unga to'pni etkazib berishga harakat qiladi. Eden ham xddi Diego, Pedro va Villian singari o'yin taqdirini hal qiladiganlar sirasiga kiradi", - deydi murabbiy.
— deya xabar beradi uff.uz nashri.