Angliya terma jamoasi safida jarohat olgan “Liverpul” klubi yarim himoyachisi Adam Lallana “qizillar”ning bir nechta o'yinini o'tkazib yuboradi.Bu haqda Yurgen Klopp “Sautgempton”ga (0:0) qarshi o'yindan so'ng o'tkazilgan matbuot anjumanida aytib o'tgan.
“Lallana “Sautgempton”ga qarshi o'yinni jarohati sababli o'tkazib yubordi. Jarohat anchagina jiddiy, shuning uchun u zaxirada qoldirilgan. U shuningdek, jamoaning bo'lajak 2-3 uchrashuvida ham bizga yordam bera olmasligi mumkin. Uning qachon to'liq safga qaytishi noma'lum. Lallana tarkibdagi yagona yo'qotish bo'lib turibdi”, – deydi Klopp ESPN nashriga bergan intervyusida.
“Liverpul” 26 noyabr kuni Premer-ligada “Sanderlend” va 29 noyabr kuni Liga Kubogida “Lids” bilan o'ynaydi.
— deya xabar beradi uff.uz nashri.