Bugun Qozog'istonning Astana shahrida tennis bo'yicha sovrin jamg'armasi 50 ming AQSh dollarini tashkil qiluvchi “Chellenjer” turkumidagi turnirning asosiy to'r bahslari start oldi.
Astana Challenger “Capital Cup” turnirining asosiy to'r bahslarida bir yo'la to'rt nafar tennischimiz ham o'z imkoniyatini sinovdan o'tkazadi. Mamlakatimizning birinchi raketkasi Denis Istomin ushbu musobaqada ikkinchi raqam ostida harakat qiladi.
Hamyurtimiz ertaga ilk davra uchrashuvida chexiyalik Robin Shtanekka qarshi kortga chiqadi. Istomin juftlik bahslarida rossiyalik Mixail Elgin bilan tandem hosil qilgan.
Iste'dodli tennischimiz Jo'rabek Karimov asosiy to'r bahslariga imtiyozli yo'llanma asosida qo'yilgan bo'lib, birinchi bosqichda germaniyalik Daniel Masurga qarshi bahs olib boradi.
Saralash bahslari orqali asosiy to'rga yo'llanma olgan Temur Ismoilov qozog'istonlik Timur Xabibulinni sinovdan o'tkazadi. Terma jamoamiz a'zosi Sanjar Fayziev esa hindistonlik Sasi Kumar Mukund bilan to'qnash keladi.
Manba: olamsport.com
— deya xabar beradi uff.uz nashri.