OFK jamoalari uchun JCh-2018 saralashining so'nggi hal qiluvchi raundi qoq yarmiga keldi. Afsuski, 5-turdan keyin xorijlik ko'plab mutaxassislar va muxlislar taxmin qilishganidek, o'z guruhimizda 3-o'ringa tushib qoldik. Umumiy qaraganda, birinchi davra bahslarini o'rtachadan yuqoriroq bahoga munosib o'tkazdik. Seuldagi omadsiz o'yinda jamoamiz sardori Odil Ahmedov mundiallar saralashi hisobidan 40-marta maydonga tushdi. «V» guruhida esa Tailand termasi nihoyat, ochko oldi. Boz ustiga, taylar ilk durang bilan Avstraliya termasini  3-o'ringa surib qo'yishdi. Faktlar *** O'zbekiston terma jamoasi jahon chempionati saralashlari doirasida 89-marta maydonga tushib, 23-mag'lubiyatini tan oldi. Shu bilan JCh yo'lidagi uchrashuvlarga bog'liq statistikamiz quyidagi ko'rinishga keldi: 48ta g'alaba, 18ta durang va 23 mag'lubiyat, to'plar nisbati - 174-91. *** Milliy jamoamizning 23ta mag'lubiyati saralash bahslari doirasidagi barcha o'yinlarning 25,84 foi-zini tashkil etyapti. *** Mundial saralashlari hisobidan 4-marta 1:2 ko'rinishida mag'lubiyatga uchradik. E'tiborlisi, ularning 3tasi aynan Janubiy Koreya termasi bilan uchrashuvda kuzatilgan. Shuningdek, Quvayt termasiga ham bir marta aynan 1:2 hisobida (safarda) imkoniyatni boy berganmiz. *** FIFA rasmiy saytida Odil Ahmedov haqida berilgan ma'lumotga tayanib aytsak, u milliy jamoamiz safida mundial saralashlari doirasida 40-marta maydonga tushdi (24ta g'alaba, 5ta durang va 11ta mag'lubiyat). Jamoamiz sardori bu o'yinlarda 8ta gol urib, 3 marta sariq kartochka olgan. Odil jahon chempionati saralash bosqichida ilk marta 2007 yilning 13 oktyabr kuni Xitoy Taypeyi termasiga qarshi kechgan uchrashuv- (9:0)da maydonga tushgandi. *** «Paxtakor» darvozaboni Aleksandr Lobanov milliy jamoamiz safida 14-marta maydonga tushdi. Sasha shu o'yinlarning teng yarmida o'z darvozasidan to'p olib chiqqan. *** Suriya termasi 5-tur o'yinini Malayziyaning Seremban shahrida o'tkazdi. Guruh peshqadami - Eron milliy jamoasiga qarshi kechgan o'yinni stadionda atigi 4560 tomoshabin kuzatdi. Bu uchinchi raund boshlanganidan buyon qayd etilgan 4-past ko'rsatkichdir. Tomoshabin yig'ish masalasida eng past natija xuddi Suriya termasi kabi raqiblarini Malayziyaning boshqa shahri - Shoh A'lam va Tehronda (Eron) qabul qilgan iroqliklarga tegishli. Joriy yil 6 sentyabr kuni Iroq termasi Tehrondagi «PAS» stadionida tailandliklar bilan o'ynadi va bu uchrashuvga atigi 2255 tomoshabin tashrif buyurdi. *** Hamyurtimiz, 32 yoshli FIFA referisi Ilgiz Tantashev JCh-2018 saralashining jami 3ta o'yinida ishladi. Afg'oniston - Suriya (2015 yil 11 iyun), Butan - Qatar (2015 yil 17 noyabr) va nihoyat, BAA - Iroq (2016 yil 15 noyabr) uchrashuvlarini olib borgan Tantashev o'zbekistonlik hakamlar orasida ko'p o'yin boshqarish bo'yicha Aziz Asimov (4ta o'yin)dan so'ng ikkinchi bo'lib turibdi. To'g'ri, u joriy yil terma jamoalar ishtirokidagi o'yin-ga ilk marta tayinlandi. Davomi interfutbol.uz saytida.
— deya xabar beradi uff.uz nashri.