Bu mutaxassis qo'l ostida Rossiya milliy jamoasi o'ziga yarasha yutuqlarga erishgan. Hozirda Turkiyaning «Fenerbaxche» klubida faoliyat yuritayotgan murabbiy «SE» muxbirlariga intervyu berarkan, Stanislav Cherchesov boshqaruvidagi termaning bugungi kundagi o'yinlarini baholab, kamchiliklar to'g'risida gapirdi. Shuningdek, Dik Advokaat rus o'lkasida ishlagan kezlari qatarliklar bilan qanday natija qayd etishganini hamon eslashini bildirdi. - O'shanda biz yutqazganmidik? - deb so'radi gollandiyalik mutaxassis. So'ngra hammasini esladi. - Yo'q, durang o'ynagandik. Eronliklarga imkoniyat boy berilgandi. Mana shu bahsdan keyin 16 o'yindan iborat mag'lubiyatsiz seriya o'tkazgandik. Bunaqasi yana kimda bo'lgan? Mayli, ushbu savolga javob berish shartmas. - Ammo Qatar termasiga qarshi kechgan o'yindan so'ng xuddi mag'lubiyatga uchralgandek taassurot qolgandi. - Kimda? - Ishqibozlarda. - Tushunarli. - O'sha safar haqida nimalarni eslaysiz? - RFI rahbarlari mahalliy bozordan arab liboslari sotib olishgani yodimda. Faxriy mehmonlarga atalgan lojadagi quruq likopchalarni eslayman. Bevosita uchrashuvga to'xtalsak, biz bir qator yangi o'yinchilarni sinovdan o'tkazgandik, qaysidir jihatlar bo'yicha tushunmovchilik yuzaga kelgan. Asosiy tarkib o'ynayotganda tezkor gol qo'yib yubordik, ammo o'sha o'yin biz uchun ahamiyatli emasdi. Hozirgi Rossiya termasidan farqli o'laroq, saralash turnirida qatnashayotgandik. U erda esa bizga chindan-da kuchli jamoalar raqiblik qilishayotgandi. - Ular Qatar termasidan ustun edilar, shundaymi? - Albatta. Bu bilan nima demoqchisiz? Mazkur sparring bahsi biz uchun oddiy holat edi, hozirgi terma haqida esa bunday deyolmayman. Ruslarning nima sababdan Qatar bilan o'rtoqlik o'yini o'tkazishni xohlashganini tushunmadim. Oldinda jahon chempionati turibdi, rasmiy o'yinlar yo'q, har bir imkoniyatdan unumli foydalanib, imkon qadar kuchliroq jamoalarga qarshi to'p surish lozim. Faqat shundagina kuchsiz tomonlar ko'zga tashlanadi. Qatar termasi bilan o'yin nimani ham ko'rsatishi mumkin? - Rossiya termasiga boshchilik qilgan paytingizda rahbariyatdan nega Qatar jamoasi tanlangani haqida so'ramaganmidingiz? - Yo'q, bu holat meni zarracha xavotirlantirmagan. O'shanda shunchaki, rohatlanish, sharoitni o'zgartirish, biroz xotirjam bo'lish uchun borgandik. Qolaversa, mazkur o'yin federatsiya foydasiga ishlardi. Hozir esa vaziyat boshqacha va buning sababi haqida so'z yuritdim. Rossiya termasi kuchli raqiblarga qarshi to'p surishi lozim. - Stanislav Cherchesov bilan tanishmisiz? Davomi interfutbol.uz saytida
— deya xabar beradi uff.uz nashri.