2016 yil 17 va 18 noyabr kunlari Toshkent moliya institutining sport majmuasida “GROSS INSURANCE” sug'urta kompaniyasi tomonidan tashkil etilgan mini-futbol bo'yicha birinchi hayriya Turniri o'tkazildi.
Ushbu tashabbusni O'zbekiston sug'urta bozorining professional qatnashchilari Uyushmasi va yigirmadan ziyod turli sohalarda o'z faoliyatini amalga oshirayotgan sug'urta, lizing hamda ishlab chiqarish kompaniyalari quvvatladi. Kompaniyalar tomonidan yo'naltirilgan barcha mablag'lar, O'zbekiston sug'urta bozorining professional qatnashchilari Uyushmasining hisob raqamida jamlandi.
Xalqimizning asriy an'analarini va asoslarini ardoqlash, qariyalar va yoshi kattalarga bo'lgan hurmat, o'sib kelayotgan avlodga g'amxo'rlik ko'rsatish hamda o'z an'analari bilan boy bo'lgan ijtimoiy mavzu bizning mamlakatimizda hamisha dolzarb bo'lib kelgan. Shuningdek, O'zbekistonda 2016 yil “Sog'lom ona va bola” deb e'lon qilinganligi va ushbu shior ostida o'tayotganligi xalqimizning ramziy ma'nosiga ega.
Hayriya turniri 2 kun davom etdi, unda 16 jamoa ishtirok etdi. Turnir “playoff” olimpiya tizimi formatida o'tkazilgan bo'lib, mag'lub bo'lgan jamoa turnirdan chiqib ketishi ko'zda tutilgan. Hayriya turnirning o'yinlarini o'tishidan Mini-futbol bo'yicha Osiyo FIFA bosh hakami Shuxrat Pulatov boshchiligidagi professional hakamlar guruhi kuzatdi.
Finalda “ALSKOM” sug'urta kompaniyasining va “INTERSOK” kompaniyasining jamoalari uchrashdi. Turnirning g'olibi final o'yinining 8 : 1 hisobi bilan qo'lga kiritgan “ALSKOM” kompaniyasining jamoasi bo'ldi.
Turnirning qatnashchilari va futbol ishqibozlari uchun O'zbekistonda yilning to'qqiz karra eng yaxshi hakami, Osiyoda yilning besh karra eng yaxshi hakami va jahonda 2015 yilning eng yaxshi hakami nominatsiyasida «Global Soccer Awards» mukofotining sovrindori - Ravshan Irmatovning uzoq kutilgan chiqishi haqiqiy sovg'a bo'ldi.
Ayniqsa, g'olib jamoalarga Ravshan Irmatovning o'zidan kubokni, sovrin, sertifikat va estalik sovg'alarni, hamda oltin, kumush va bronza medallarni olish quvonch bag'ishladi.
Ushbu turnirda mag'lub bo'lishning ilojisi yo'qligini ta'kidlash lozim, chunki u faqatgina hayriya maqsadlarida tashkil etilgan bo'lib,  ushbu turnir bo'yicha jamlangan barcha mablag'lar faqatgina O'zbekiston Respublikasi viloyatlarida joylashgan “Mexribonlik” va “Saxovat” uylarining ehtiyojlariga yo'naltirilishi maqsad qilib qo'yilgan.
Ushbu hayriya turnirning o'tkazilishi an'anaviy bo'ladi deb umid qilamiz!
— deya xabar beradi uff.uz nashri.