Kuni kecha Samvel Babayan boshchiligidagi O'zbekiston milliy terma jamoasi JCh-2018 so'nggi saralash bosqichining navbatdagi turida Janubiy Koreya mehmoni bo'lib, 1-2 hisobida alamli mag'lubiyatni qabul qilib oldi. Biz esa termamiz huddi kechagidek, hisobda oldinda bo'la turib, yakunda mag'lubiyatga uchragan hollarni eslatib o'tamiz. Bu borada biz faqat rasmiy o'yinlardagi natijalarga tayanamiz. Ya'ni, Osiyo kubogi, OK saralashi hamda JCh saralash o'yinlaridagi natijalarga tayanamiz. JCh-1998 saralashining final bosqichi. 2-tur. O'zbekiston 2-3 BAA Gollar: Nikolay Shirshov(10), Ravshan Bozorov(90) – Zuxayr Said(55), Baxid Saad(65), Adnan al-Talyani(83) Amalga oshirilmagan penalti: Mirjalol Qosimov(37) Frantsiya mezbonligida o'tuvchi mundialda ishtirok etish uchun Rustam Mirsodiqov boshliq jamoa so'nggi saralash bosqichining 2-turida Toshkentda BAAni qabul qiladi. 10-daqiqada Nikolay Shirshov “Paxtakor” marklaziy stadioniga yig'ilgan ko'p ming sonli muhlislarga quvonch “ulashadi”. Biroq ikkinchi bo'limda amirlik futbolchilar o'yinda tub burilish yasashgan holda 3 ta to'p kiritishning uddasidan chiqadilar. O'yin yakunida esa Ravshan Bozorov hisobni qisqartirishga muvaffaq bo'ladi. Bu alamli mag'lubiylarning dastlabkisi edi. JCh-2002 saralashining final bosqichi. 7-tur. Ummon 4-2 O'zbekiston Gollar: Yoqub Juma(50, 83), Favzi Bashir(52), Badar Ali(81) – Fevzi davletov(5), Nabil Ashur(27) Vladimir Salkov boshliq “mahalliylashtirilgan” futbolchilardan iborat termamiz aynan mazkur o'yindan so'ng JChga chiqish uchun imkoniyatni boy beradi. Birinchi bo'limni Fevzi Davletov goli hamda ummonlik futbolchining o'z darvozasini ishg'ol etib qo'yishi natijasida 2-0 hisobidagi ustunlikda yakunlagan futbolchilarimiz ikkinchi bo'limda butunlay “o'zgarib qolishadi”. Dastavval 50 hamda 52-daqiqalarda kiritilgan ikki gol evaziga hisobni tenglashtirgan mezbonlar o'yinning asosiy vaqti tugashiga 10 daqiqa qolganida ustunlikni o'z tomonlariga og'dirishga erishadilar. Shu tariqa “mahalliylashtirish dasturi” ham samara bermagan edi.  Davomi Penalti.uz da
— deya xabar beradi uff.uz nashri.