Mavsumning ikkinchi yarmini “Qo'qon-1912”da o'tkazgan serbiyalik futbolchilar Nikola Valentich hamda Darko Gojkovichning qo'qonliklar bilan shartnomalari o'z yakuniga etdi. Bu ikki futbolchiga “Olmaliq” klubiga qarshi bo'lib o'tgan oliy liganing so'nggi uchrashuvidan so'ng o'z yurtlariga ketishlari uchun ruxsat berildi. Kecha erta tongda Darko Gojkovich va Nikola Valentich Toshkent-Moskva-Belgrad yo'nalishi bo'yicha o'z yurtlariga uchib ketishdi. Bu futbolchilarning keyingi mavsumda ham “Qo'qon-1912”da to'p surishi masalasi Yangi yil bayramidan so'ng hal bo'ladi. 
— deya xabar beradi uff.uz nashri.