Ispaniyaning AS nashri xabariga ko'ra, Rafael Varan La Liganing navbatdagi turida "Real"ga yordam bera olmaydi. Frantsiyalik himoyachi mashg'ulotlar zalida kichik jarohat olgan va shifokorlar "Barselona"ga qarshi kechadigan uchrashuvga qadar, uni oyoqqa turgazishga harakat qiladilar. "Sporting" Xixonga qarshi uchrashuvda Zinedin Zidan markaziy himoyada Ramos bilan birgalikda kim harakat qilishiga aniqlik kiritishi kerak. Bu Pepe yoki Nacho bo'ladi. Ammo muammo shundaki, Pepe etarli o'yin amaliyotiga ega emas, Nacho esa qanot himoyasida yordami tegishi mumkin. Chunki, chap qanot himoyachisi Marselo Chempionlar ligasi uchrashuvida jarohat olgan va Zidan uni el klasikoga asrash maqsadida maydonga tushirmasligi mumkin.
— deya xabar beradi uff.uz nashri.