Madridning "Real" klubi bosh murabbiyi Zinedin Zidan jamoa hujumchisi Benzemaga nisbatan muntazam tanqidlar haqida fikr bildirdi.
"Benzema "Real"da har doim sinovlardan o'tishga mahkum. Albatta har bir futbolchi asosiy tarkibga munosibligini isbotlashi lozim, ammo aftidan Benzema hammadan ko'ra ko'proq bu ishni bajarishi lozimga o'xshaydi.
U bu erda necha yildan buyon o'ynayotgani va qancha gol urganini aniq bilmayman. Ammo futbolchi har doim jamoaga kerakligini isbotlab turishi lozim. Bu uning har kungi vazifasi.
Buning hech qanday dahshatli joyi yo'q. Men unga qanday o'ynash kerakligini aytib turibman. Benzema qilayotgan har bir ish o'zi va jamoa uchundir. Tanqid esa har doim bo'lgan va bu borada biz hech narsani o'zgartira olmaymiz", -  deydi Zidan.
— deya xabar beradi uff.uz nashri.