Angliya chempionati 13-turidan o'rin olgan "Manchester Yunayted" hamda "Vest Xem" klublari o'rtasidagi uchrashuv o'z nihoyasiga etdi. Ushbu uchrashuvda jamoalar murosa yo'lini tanladilar. O'yin ilk daqiqalaridayoq "Vest Xem" futbolchilari standart vaziyatdan unumli foydalanib hisobni ochdilar, Payetning uzatmasidan so'ng, Sako raqib darvozasini ishg'ol etdi. Shundan so'ng, "Vest Xem" futbolchilari butkul himoyaga yotib oldilar. "MYu"ning ketma-ket hujumlari 21-daqiqada samara berdi, Pogbaning mukammal to'p oshirishidan so'ng Ibrahimovich boshi bilan zarba yo'llab muvozanatni tikladi. Shu tariqa so'ngi soniyalargacha hujum uyishtirgan "qizil iblislar" raqib darvozasi tomon yo'l topa olmadilar. "Vest Xem" esa g'alabaga teng natijaga erishdi. Angliya chempionati. 13-tur Manchester Yunayted – Vest Xem 1:1 (1:1, 0:0)   Gollar: 0:1 – 2 Sako, 1:1 – 21 Ibrahimovich. Manchester Yunayted – De Xea, Roxo, Djons, Darmian, Valensiya, Lingard (Fellayni, 85), Pogba, Errera, Mata (Mxitaryan, 65), Reshford (Runi, 65), Ibrahimovich. Vest Xem – Rendolf, Kollinz, Ogbonna, Kressuell, Antonio, Nobl, Kuyate, Lansini (Ayyu, 74), Obiang, Payet (Feguli, 90), Sako (Fletcher, 66). Ogohlantirishlar: Pogba (27), Fellayni (88), Kressuell (90), Valensiya (90).
— deya xabar beradi uff.uz nashri.