Madridning "Atletiko" klubi sobiq hujumchisi Radamel Falkao ispaniyaliklar unga yangi shartnoma taklif qilishmaganini aytib o'tdi. Eslatib o'tamiz, ayni vaqtda "Monako" sharafini himoya qilayotgan hujumchi 2011 yildan 2013 yilga qadar "Atletiko" sharafini himoya qilgan edi.
"Atletiko"da menga hech qachon yangi shartnoma taklif qilishmagan. "Monako" esa o'z eshiklarini men tomon ochdi va men barchasidan xursandman.
Menga hamma yordam berdi va o'zimni "Monako" uchun kerakli futbolchi sifatida his qilmoqdaman. Bu erda meni yaxshi ko'rishadi.
"Atletiko" va uning muxlislaridan darhaqiqat juda minnatdorman. Ammo shunday taassurot paydo bo'ladiki, "Atletiko" faoliyatini davom ettirishi uchun ham futbolchilarini sotishiga to'g'ri kelmoqda", - deydi Falkao.
— deya xabar beradi uff.uz nashri.