"Chelsi" klubi bosh murabbiyi Antonio Konte jamoa bir vaqtlar De Bryuyneni sotib yuborganidan afsuslanishini aytib o'tdi. Eslatib o'tamiz, yarim himoyachi "ko'klar" sobiq bosh murabbiyi Joze Mourino bilan chiqisha olmagan, hamda londonliklar safini 2014 yilda tark etgan edi. Shundan so'ng, De Bryuyne Bundesligada harakat qilishga ulgurdi va hozirda "Manchester Siti"ning etakchi futbolchisiga aylangan. "De Bryuyne bir vaqtlar "Chelsi"da o'ynagan va hozir ham biz bilan emasligidan afsusdaman. Men o'ylaymanki, u haqiqatdan ham juda kuchli futbolchi. Afsus, u hozirda boshqa klub sharafini himoya qilmoqda. Qaytaraman, u fantastik futbolchi. Bryuyne ushbu mavsumda yuqori darajada harakat qilmoqda. Umid qilamanki, u mana shu ruhda davom etadi, ammo bu turda tanaffus qilsa ham yomon bo'lmasdi" – deya Konte so'zlarini keltirmoqda London Evening Standard nashri.
— deya xabar beradi uff.uz nashri.