Assalomu alaykum qadrli futbol muxlislari. FUT.uz sayti Angliya chempionati 14-turidan o'rin olgan “Manchester Siti” – “Chelsi” uchrashuvini LIVE tarzida translyatsiya qilib boradi. “Manchester Siti”: Bravo, Otamendi, Stounz, Kolarov, Fernandino, Gyundogan, Navas, Sane, De Bryuyne, Silva, Aguero. “Chelsi”: Kurtua, David Luiz, Keyxill, Alonso, Aspilikueta, Fabregas, Mozes, Pedro, Kante, Azar, Diego Kosta. 0'. Uchrashuv Kolumbiyada aviahalokatga uchragan "Shapekoense" klubining xotirasiga bag'ishlangan  daqiqalik sukut bilan boshlanmoqda.  1'. Uchrashuv boshlandi. "Manchester Siti" to'pni o'yinga kiritib berdi.  2'. "Manchester Siti" odatiy och ko'k rangli futbolkalarda harakat qiladi. "Chelsi" ham an'anaviy to'q ko'k formalarda. 4'. "Shaharliklar" o'yinni ancha faol boshlashdi. "Chelsi" himoyalanishga majbur.  7'. Gari Keyxill yotgan holatda jarima maydonchasida to'pni qo'li bilan o'ynadi. Hakam "Man Siti"ga penalti bermadi.  8'. "Chelsi"ning hujumi samarasiz yakunladi. Futbolchilar to'pni uzatishga xatoga yo'l qo'ydi.  14'. Maydon markazida avval "Manchester Siti", keyin esa "Chelsi" futbolchisiga nisbatan o'yin qoidasi buzildi.  15'. Xavfli vaziyat! Eden Azarning zarbasi darvoza yonginasidan o'tib ketdi.  17'. Nikolas Otamendi Diego Kostaga nisbatan o'yin qoidasini buzdi. Entoni Teylov "Siti" himoyachisini qo'polligi uchun sariq kartochka bilan ogohlantirdi.  20'. Agueroning uzoqdan bergan zarbasiga aniqlik etishmadi.  22'. Aguero va Pedro to'qnashib ketdi. Pedroga tibbiy yordam ko'rsatilmoqda. Katta ehtimol bilan u o'yinni davom ettira olmaydi.  24'. Fernandino gol kiritgandi. Ammo o'yindan tashqari holat qayd etildi.  25'. Azaaar! Belgiyalik futbolchi darvozabon bilan birga-bir vaziyatdan unumli foydalana olmadi.  30'. "Chelsi"ning burchakdan uzatgan to'pi samara keltirmadi.  33'. Serxio Aguero hisobni ochishga yaqin kelgandi. Ammo londonliklar himoyachi yaxshi harakat qildi.  40'. Har ikki jamoa hujumlar uyushtirishga harakat qilmoqda.  43'. Agueroning boshi bilan bergan zarbasi noaniq yo'nalish oldi.  45'. G-O-O-O-L! Xesus Navasning uzatmasidan so'ng Gari Keyxill o'z darvozasiga gol urdi, 1:0. 45+2'. Birinchi bo'lim yakunlandi. "Manchester Siti" 1:0 hisobida oldinda bormoqda.  46'. Ikkinchi bo'lim boshlandi. Bu safar "Chelsi" futbolchilari to'pni o'yinga kiritib berishdi.  49'. "Chelsi"da o'zgarish: Pedro maydonni tark etdi. Uning o'rniga Villian o'yinga tushdi.  54'. Xavfli vaziyat!!! Serxio Aguero hisobni oshirish imkoniyatini yo'qqa chiqardi. Keyxillning xatosidan so'ng argentinalik deyarli bo'sh qolgan darvozaga zarba yo'llagandi. Ammo Kurtua to'pni qaytarib qoldi.   57'. De Bryuyne!!! Belgiyalik futbolchi bshsh qolgan darvozaga zarba yo'lladi. To'p esa darvoza to'siniga tegib maydonga chiqib ketdi.   60'. G-O-O-O-L!!! Diego Kosta hisobni tenglashtirdi, 1:1. 64'. O'yin ancha qizg'in o'tmoqda. Jamoalar galma-gal hujumlar uyushtirmoqda.   68'. "Manchester Siti"da o'zgarish: Sane o'rniga Gael Glishi maydonga tushdi.  70'. G-O-O-O-L! Villian "Chelsi"ni oldinga olib chiqdi, 2:1. 76'. "Manchester Siti"da ikkinchi o'zgarish: Ilkay Gyundogan o'rniga maydonga Yaya Ture tushdi.  78'. "Manchester Siti"da so'nggi o'zgarish: Jon Stounz o'rniga Ixeanacho o'yinni davom ettiradi.  84. "Chelsi"da o'zgarish: Diego Kosta maydonni tark etdi. Uning o'rniga Chaloba tushdi.  85'. Londonliklarning burchak zarbasi samarasiz yakun topdi.  90'. G-O-O-O-L! Eden Azar o'yin taqdiriga nuqta qo'ydi, 3:1.  90'. Entoni Teylor o'yinga 6 daqiqa qo'shib berdi.  90+4'. "Chelsi"da o'zgarish: Azar maydonni tark etdi, uning o'rniga Batshuayi tushdi.  90+6'. Serxio Aguero David Luisga nisbatan qo'pol o'ynagani uchun qizil kartochka oldi.  90+7. Fernandino Fabregas bilan urishib ketgani uchun qizil kartochka oldi.  90+8. O'yin tugadi azizlar! "Chelsi" irodali tarzda "Manchester Siti"ni taslim qildi. 
— deya xabar beradi uff.uz nashri.