Assalomu alaykum FUT.uz sayti aziz muxlislari! Bir necha daqiqalardan so'ng Ispaniya chempionati 14-tur markaziy o'yinida “Barselona” jamoasi “Kamp Nou”da “Real” futbolchilarini qabul qiladi.  Mazkur sahifa orqali uchrashuvni biz bilan LIVE tarzida kuzatishingiz mumkin bo'ladi. Quyida tarkiblar keltirilgan.  “Barselona”:  ter Shtegen, Alba, Pike, Maskerano, Serji Roberto, Buskets, Andre Gomesh, Rakitich, Neymar, Suares, Messi. “Real”: Keylor Navas, Karvaxal, Serxio Ramos, Varan, Marselo, Kovachich, Isko, Modrich, Lukas Vaskes, Benzema, Ronaldu. 0'. "Kamp Nou" stadionida bo'sh o'rindiqning o'zi qolmagan.  0'. Barcha chempionatlardagi kabi ushbu o'yin oldidan ham jamoalar aviahalokatga uchragan "Shapekoense" xotirasiga 1 daqiqalik sukut saqladi. 1'. Uchrashuv boshlandi. "Real" to'pni o'yinga kiritib berdi.  2'. "Real" odatiy oq liboslarda, "Barselona" ko'k-anor rangli futbolkalarda harkat qilmoqda. 3'. Serxio Buskets bir yo'la "Real"ning ikki futbolchisini yiqitdi. 3'. Lukas Vaskes "Barselona" jarima maydonchasida yiqitildi. Ammo hakam penalti bermadi.   6'. Neymar boshlagan hujum kataloniyaliklar uchun samara keltirmadi.  8'. To'pga asosan "Barselona" futbolchilari egalik qilishmoqda. Ammo xavfli vaziyatlarni hech bir jamoa hali yaratmadi.   10'. Xavfli vaziyat!!! "Ko'k-anor ranglilar"da hisobni ochish uchun yaxshi imkoniyat bor edi. Ammo yakunda "Barsa" burchak to'pi ishlab oldi.  12'. "Real" burchakdan to'pni o'yinga kiritib beradi. To'p oldida Modrich. 13'. Luis Suares Keylor Navas bilan birga-bir vaziyatga chiqib ketayotgan edi. Ammo bir muddat avval yon chiziq hakami offsayd borligini qayd etdi.  14'. Isko Neymarga nisbatan qo'pol o'ynagani uchun sariq kartochka bilan ogohlantirildi.   15'. Luka Modrich maydon markazida Messini yiqitdi. Xorvatiyalik futbolchi vaziyatdan "quruq" chiqdi.  18'. Modrich bu safar Messini o'z jarima maydonchasi yaqinida yiqitdi. Messi jarima zarbasini o'zi amalga oshiradi.  19'. Messi zarba yo'lladi. Navas osonlik bilan uni ushlab oldi.  22'. Benzemaaaa! Frantsiyalik futbolchining qaychi uslubidagi zarbasini himoyachilar qaytardi.  26'. Serxio Ramos xatoga yo'l qo'ydi, Modrich esa jamoadoshining xatosini to'g'irladi.  28'. Maskerano Ronalduni yiqitdi. Portugaliyalik belishi ushlab oldi. Hakam hozircha jim.  29'. Neymar Lukas Vaskesning oyonini butsasi bilan bosib oldi va buning uchun sariq kartochka "ishlab oldi".   35'. Kataloniyaliklar yana bir jarima zarbasini ishlab oldi. To'p oldida Messi va Neymar.  36'. Messi to'pga zarba bermay, uni jamoadoshlariga uzatmoqchi bo'ldi. Ammo madridliklar himoyachi bexato harakat qildi.  38'. Ronaluning chap oyoqda bergan zarbasini ter Shtegen qaytardi. Burchak zarbasi. 40'. Karvaxal o'z jarima maydonchasida to'pni qo'li bilan o'ynagandi. Ammo yakunda vaziyat burchak zarbasi bilan tugadi.  44'. Rafael Varan burchakdan uzatilgan to'pga boshi bilan zarba berdi. Ter Shtegen qiyinchiliksiz uni to'xtatib qoldi.  45'. Birinchi bo'limga qo'shimcha vaqt qo'shilmadi. Jamoalar 0:0 hisobida tanaffusga chiqib ketdi.  46'. Ikkinchi bo'limga start berildi. Bu taymda gol ko'rishga umid qilamiz.  48'. Lukas Vaskes o'yindan tashqari holatda qolib ketdi.  51'. Ronalduning navbatdagi urinishi samarasiz yakun topdi.  52'. Rafael Varan Neymarni yiqitdi. "Barselona" jarima zarbasini ishlab oldi.  53'. G-O-O-O-L! Luis Suares Neymarning uzatmasidan so'ng hisobni ochdi, 1:0! Varanning xatosi qimmatga tushdi. 54'. Endi "Real" vaziyatni tenglashtirishga harakat qiladi. Qayd etish kerakki, madridliklar bungacha 13 turda biror marta ham mag'lubiyatga uchramagandi.  58'. "Barselona"da o'zgarish: Ivan Rakitich o'rniga Andres Inesta maydonga tushdi va sardorlik bog'ichini qabul qildi.  66'. "Real"da o'zgarish: Isko maydonni tark etdi. Uning o'rniga Kazemiro tushdi.  68'. Neymaaaaaar!!! "Barselona" hujumchisi chiroyli tarzda Madrid klubi himoyasini yorib o'tdi, ammo yakuniy zarba noaniq chiqdi.  75'. "Real" burchakdan to'pni o'yinga kiritib beradi. 
— deya xabar beradi uff.uz nashri.