KONMEBOL Braziliyaning «Shapekoense» klubini Janubiy Amerika kubogi g'olibi, deb e'lon qildi. Bu to'g'risida «Shapekoense» klubining vaqtinchalik prezidenti Ivan Totstso xabar qildi. «Shapekoense» 30 noyabrda kubok finalining ilk bahsini Kolumbiyaning «Atletiko Nasonal» klubiga qarshi o'takazishi kerak edi. 29 noyabrda Medelin yaqinida samolyot halokati kuzatiladi. Yo'lovchilar orasida braziliyaliklar klubining futbolchilari va murabbiylar shtabi ham bor edi. Halokat oqibatida jami 71 kishi olamdan ko'z yumdi, shu jumladan 19 futbolchi ham. «KONMEBOL Janubiy Amerika kubogi g'olibligi «Shapekoense» klubiga berilganini tasdiqladi. Bundan tashqari, jamoa 2 mln $ miqdorida mukofot puli oldi. Kubok topshirish marosimi bo'lish-bo'lmasligini bilmayman», — deya Totstso so'zlarini keltirmoqda Goal nashri.
— deya xabar beradi uff.uz nashri.