Angliyalik sobiq hakam Grem Poll APL 14-turidan o'rin olgan «Manchester Siti» - «Chelsi» uchrashuvining ba'zi vaziyatlarini muhokama qilib chiqdi. «Serxio Agueroning Davida Luisga qarshi o'ynagan vaziyatini to'pga oyoq tashlash deb bo'lmaydi, bu men ko'rgan qo'polliklar ichida eng yomoni. Bu ikki futbolchi orasidagi qarama-qarshilikni hisobga olib aytadigan bo'lsak, bu qoidabuzarlik oldindan o'ylangan deya baholash mumkin. Fernandino Fabregasni turtib yuborgani uchun o'yindan chetlatildi, ammo o'sha vaziyatda shapaloq urgani uchun, Seskni ham chetlatish kerak edi. Birinchi bo'limda Luisning Agueroga ishlatgan qo'polligidan so'ng o'yinning davom ettirilib ketilgani menga tushunarsiz tuyildi. U erda yaqqol qo'pollik ishlatilgan edi va David qizil kartochkaga loyiq edi», — deya Poll so'zlarini keltirmoqda Daily Mail.
— deya xabar beradi uff.uz nashri.