Joriy yil O'zbekiston oliy ligasida o'tkazilgan 240ta bahsda hakamlar tomonidan 944ta sariq kartochka ko'rsatildi. Bu bitta bahsga o'rtacha 3,93tadan, bitta turga 31,5tadan, bitta klubga 59tadan to'g'ri keladi. Tushunarliki, 14ta turda o'rtacha ko'rsatkichdan ko'proq sariq kartochka ko'rsatilgan. Jami 8ta klub 60tadan ko'p ogohlantirish ishlagan. 23ta holatda ko'rsatilgan «sariq» ikkinchisi bo'lib, u yakunda «qizil»ga aylangan. Eng intizomli jamoa sifatida «Nasaf» (42) ko'rsatilsa,  «Neftchi» (74) eng qo'pol klubga aylandi. qarshiliklar har ikki davrada bir xil - 21tadan sariq kartochka ishlashgan. Eng «intizomli» tur sifatida 23-tur (20ta) keltirilsa, hakamlar uchun eng og'ir o'yinlar 3-turga (46ta) to'g'ri keladi. 9-tur doirasida «Andijon» 8ta, 3-tur doirasida «Sho'rtan» 7ta, 5-turda «qo'qon-1912»  6ta, 26-turda «Obod» 6ta sariq kartochka ishlab, mavsum «etakchilari»dan bo'lishdi. «Bunyodkor» joriy chempionatda 9ta o'yinda umuman ogohlantirilmagan - bu mavsum rekordi. «Nasaf» (8ta) esa undan keyingi o'rinni band etgan. «Neftchi» 1-28-turlarda, «Andijon» 1-16-turlarda sariq kartochka ishlashdan to'xtashmagan. quyidagi jadvalda oliy liga klublaridagi futbolchilarning ketma-ket tur bahslari davomida necha marta sariq kartochka olganliklari haqida ma'lumotlar keltirilgan: Izoh: * - jamoa futbolchisining ikkinchi sariq kartochka orqali chetlatilishi ham sariq kartochkalar umumiy hisobiga kiritilgan. Sariq kartochka ishlash bo'yicha «peshqadamlar» Tarixiy fakt o'rnida. 2015 yil 1-davrasida O'zbekiston oliy ligasida o'tkazilgan 120ta bahsda hakamlar tomonidan 513ta sariq kartochka ko'rsatildi. Bu bitta o'yinga o'rtacha 4,27tadan, bitta turga esa 34,2tadan, bitta klubga 32,1tadan to'g'ri keladi. Tushunarliki, 7ta turda o'rtacha ko'rsatkichdan ko'proq sariq kartochka ko'rsatilgan. Jami 9ta klub 32tadan ko'p sariq kartochka ishlashgan. 19ta holatda ko'rsatilgan sariq kartochka ikkinchisi bo'lib, u yakunda «qizil»ga aylangan. qachon sariq kartochka ko'rsatiladi? Hakamda futbolchiga sariq kartochka ko'rsatish uchun etarli asos bo'lishi kerak. Bahsli kartochkalar futbol ommasi tomonidan ko'p muhokama qilinadi va og'riqli qabul qilinadi, ayniqsa, keyingi o'yinlar uning sevimli jamoasi uchun o'ta ahamiyatli bo'lsa. FIFA yo'riqnomasida ogohlantirish berish shart bo'lmagan vaziyatlarda kartochkaga murojaat qilmaslik va hakam ko'proq o'zining insonlarni boshqarish qobiliyatini ishga solib, futbolchilar bilan tarbiyaviy ish olib borishi tavsiya qilingan. Agar shunday holatlar uchun ko'rsatilgan sariq kartochka ikkinchisi bo'lib chiqsa, vaziyat yanada keskinlashadi va hakam o'zining haqligini isbotlashi qiyin kechadi. Demak, shart bo'lmagan vaziyatlarda kartochka ko'rsatmagan ma'qul. «Eng qattiqqo'l hakam» – Namozov Chempionatning 1-davrasida 23ta, 2-davrasida 25ta qizil kartochka ko'rsatildi. Bu - har bir o'yinga 0,2ta chetlatish degani. Shularning 23tasi ikkinchi sariq kartochka tufayli yuz berdi. 2, 8, 12, 13, 20, 23, 24, 26, 27-turlar doirasidagi bahslarda hakamlar birorta ham qizil kartochka ko'rsatmadilar. Chempionat davomida eng erta chetlatilgan futbolchi - «Mash'al» posboni J.Ilyosov. U maydonni majburan tark etgan paytda o'yin («Metallurg» - «Mash'al»-6:0, 8 avgust)ning endigina 11-daqiqasi o'tib borayotgan edi. Uning o'rnini egallagan B.Nosirov o'z darvozasidan 6ta gol o'tkazib yubordi. Jami chetlatishlarning 10tasi 1-bo'limga, yana 34ta chetlatish 2-bo'limga to'g'ri keladi. O'yinga qo'shib berilgan daqiqalardagi chetlatish 6 marta, bo'limlar oralig'idagi tanaffus paytida esa 4 marta uchradi. 3-turdagi «Metallurg» - «Sho'rtan» bahsida (3:2) uch futbolchi maydondan chetlatildi. Uchrashuv hakami Aziz Asimovning qat'iy ravishda qaror qabul qilishiga to'g'ri keldi. O'yinga qo'shib berilgan daqiqalarda u 4ta «sariq» (shulardan biri yakunda qizil kartochkaga aylangan) ko'rsatib, 1 marta penalti belgilashga majbur bo'ldi. Urilgan gollar va qizil kartochkalarning daqiqalariga e'tibor bilan nazar solsak, unga o'yin tempini ushlash naqadar qiyin bo'lganligi ayonlashadi. 14 oktyabr kuni Namanganda bo'lib o'tgan «Navbahor» - «Buxoro» bahsining birinchi bo'limi yakunlangach, I.Isoqjonov («Navbahor») va B.Pardaev («Buxoro») kiyinish xonasiga kirib ketayotgan vaziyatda tortishib qolib, bir-birlari bilan o'zaro hisob-kitob ishlariga kirishishdi. Buning oqibatida Namozov har ikki jamoadan ikki nafardan futbolchini chetlatdi. Hakamlar bo'yicha 15 nafar hakam o'z cho'ntagidan qizil kartochka chiqargan. Bu borada Baxtiyor Namozov yaqqol peshqadam  - 7 marta. O'tgan yilgi 1-davra «peshqadam»i Ravshan Ermatov (5 marta) joriy mavsumning 1-davrasida hech kimni chetlatmadi.  2-davraning 16, 18, 19-turlarida uning qat'iyati yaqqol namoyon bo'ldi. Davomi "INterFUTBOL" gazetasida.
— deya xabar beradi uff.uz nashri.