Yurtimizda futbol mavsumi yakuniga etishi bilan, yilning eng yaxshilarini aniqlash maqsadida OAV  hodimlari o'z ovozlarini berishni boshlab yuborishdi. Jumladan yilning eng yaxshi murabbiyini aniqlash jarayoni ham qizg'in pallaga kirdi. Biz esa o'zbek futbolidagi eng yaxshi murabbiylardan iborat o'zga xos reyting tuzdik. Bunda biz har yili ovoz berish yo'li bilan tanlanadigan “O'zbekistonning eng yaxshi murabbiyi” degan sovringa erishgan yoki bu borada ikkinchi yoki uchinchinchi o'ringa eng ko'p loyiq ko'rilgan mutaxassislarni ro'yhatimizga kiritdik. 7-10. Rustam Mirsodiqov Rustam Mirsodiqov bir bora O'zbekistonning eng yaxshi murabbiysi deb topilgan. Bu hodisa 1997 yilga to'g'ri keladi. O'shanda Rustam To'htamurodovich “MXSK” bilan mamlakat chempionligini qo'lga kiritgan edi. Bundan tashqari 61 yoshli mutaxassis bir yil oldin “xarbiylar” boshqaruvida mazkur so'rovnomada 3o'rinni egallagan edi. 1999 yil “Do'stlik”ni champion qilgan Rustam Mirsodiqov yilning eng yaxshi murabbiysi uchun o'tkazilgan so'rov natijalariga ko'ra yana 3 o'ringga loyiq ko'rilgan edi. 7-10. Rauf Inileev Rauf Talgatovich yurtimizda 2007 yili eng yaxshi murabbiy bo'ladi. Aynan o'sha yili OFK ham o'zbekistonlik mutaxassisning mehnatlarini yuqori baholagan holda Osiyoning eng yaxshi murabbiysi degan sharafli sovrinni topshiradi. Bundan tashqari mazkur mutaxassis 2006 yilgi O'zbekistonning eng yaxshi murabbiysini aniqlash uchun o'tkazilgan so'rovnomada ikkinchi o'rinni egallaydi. 7-10. Aleksey Estafeev Aleksey Estafeev jamoasi 2010 yil Toshkentda o'tgan o'smirlar(U-17) o'rtasidagi qit'a birinchiligida finalgacha etib borishgan edi. Finaldagi omadsizlikka qaramay yil yakunida ushbu mutaxassis eng yaxshi murabbiy uchun atalgan sovrinni o'ziniki qilgan edi. Oradan bir yil o'tib uning jamoasi Meksika maydonlarida matonat ko'rsatib, ajoyib natijalarni qayd etgan bo'lsada, murabbiy bu safargi so'rovnomada ikkinchi o'rinni qo'lga kiritadi. Boisi dastlabki o'ringa O'zbekiston milliy termasini Osiyo kubogida yarim finalga olib chiqqan Vadim Abramov loyiq ko'rilgan edi. 7-10. Vadim Abramov Yuqorida Abramovning ilk muvaffaqiyatini aytib o'tdik. Bundan tashqari Vadim Karlenovich 2005 yil “Traktor” klubini boshqarib yurgan kezlari eng yaxshi murabbiy uchun o'tkazilgan so'rovnomada ikkinchi o'rinni qo'lga kiritadi. 2014 yil esa huddi shunday holat “Lokomotiv” boshqaruvidagi paytida ro'y beradi. 6. Samvel Babayan Terma jamoamizning amaldagi murabbiyiga so'nggi ikki yilda teng keladigan murabbiy topilgani yo'q. Biroq shu narsa aniqki, Samvel Vyacheslavovich bu mavsum ushbu sovrinni qo'lga kirita olmaydi. Maqolaning davomi penalti.uz saytida.
— deya xabar beradi uff.uz nashri.