Dortmundning "Borussiya" klubi yarim himoyachisi Mario Gyottse Chempionlar ligasi guruh bosqichida "Real"ga qarshi kechadigan bahsda ishtirok eta olmaydi. Bu haqida klub matbuot xizmati xabar tarqatgan.
Xabarda aytilishicha, Gyottse tizzasidagi muammo tufayli Dortmundda qolgan. 24 yoshli yarim himoyachi Germaniya chempionati doirasida "Kyoln"ga qarshi kechadigan bahsda ham maydonga tusha olmasligi mumkin.
Eslatib o'tamiz, "Borussiya" va "Real" guruhdan chiqish masalasini hal qilib bo'lishgan va endi o'zaro kechadigan bahsda guruh g'olibi masalasini hal qilishlari lozim.
— deya xabar beradi uff.uz nashri.