Argentina chempionatidagi barcha divizionlarda hakamlar ish tashlash e'lon qilishdi.
Bu haqida mamlakat sport hakamlari sindikati rahbari Gilermo Markoni xabar berib o'tgan. Hakamlarning bunday qarorga kelishlariga argentinalik muxlislarnign tajovuzkorona harakatlari sabab bo'lgan. Ish tashlash joriy hafta oxirida boshlanadi va to hakamlar xavfsizligi ta'minlanmagunga qadar davom etadi.
Eslatib o'tamiz, 3 dekabr sanasida "Sarmienno de Ayakucho" va "Sansinena" o'rtasida kechgan bahsda "Sarmienno de Ayakucho" futbolchilari va muxlislari tomonidan hakam Klaudio Elichiriga tahdid qilingan edi. Ular hakam penalti belgilamaganidan norozi bo'lishgan.  Muxlislar maydonga yugurib chiqishgan, xavfsizlik xizmati xodimlari esa ularni to'xtatmagan edi.
— deya xabar beradi uff.uz nashri.