Kelasi yil futbol mavsumi jamoamiz uchun odatdagidan ertaroq boshlanishi kutilmoqda.
Bunga 13 dekabr kuni Malayziyaning Kuala-Lumpur shahrida o'tkaziladigan OChL musobaqasiga qur'a tashlash marosimidan so'ng aniqlik kiritiladi.
OFKning bu yilgi kvotasi kutilganidek 1+2 ko'rinishda bo'lsa, “Nasaf” jamoasi bronza medali sohibi sifatida pley-off o'tish bosqichidan boshlashi mumkin.
Ya'ni, “Nasaf” 31 yanvar kuni dastlabki bosqich uchrashuvini o'z maydonida o'tkazadi. Ammo jamoamiz kelasi yilgi OChL bahslarini Qarshi shahridagi o'z maydonida emas, balki katta ehtimol bilan Toshkent shahridagi “Bunyodkor” stadionida o'tkazishi kutilmoqda. Klubimiz rahbariyati bu borada O'zbekiston Futbol Federatsiyasiga rasman murojaat qilgan. Sababi, “Markaziy” stadionda keng miqiyosdagi rekonstruktsiya ishlari olib borilmoqda.
“Nasaf” jamoasi uchun kelasi mavsum odatdagidan ertaroq boshlanishini hisobga olgan klubimiz rahbariyati va murabbiylari, yanvar oyida xorijiy yig'in tashkil qilish ustida ham ish olib borishmoqda.
“Nasaf” jamoasi futbolchilari 20 dekabr kuni Qarshi shahridagi o'z qarorgohida yig'iladi va kelasi mavsum tayyorgarliklarini boshlaydi.
— deya xabar beradi uff.uz nashri.