Evropa ligasi guruh bosqichining so'nggi turidan o'rin olgan “Nitstsa“ – “Krasnodar” uchrashuvi o'z nihoyasiga etdi. Unda 2:1 hisobi qayd etilib, frantsuzlarning g'alabasi bilan yakunlandi. Dastlabki bo'limda ikki jamoada ham hisobni ochish uchun bir qator qulay vaziyatlar bo'lganiga qaramay, tanaffusga qadar hisob ochilmadi. Ikkinchi bo'limning 51-daqiqasida esa Fedor Smolov “Krasnodar“ni hisobda oldinga olib chiqishga muvaffaq bo'ldi. 61-daqiqaga kelib Grankvist maydondan chetlatilganidan so'ng, tashabbus “Nitstsa“ning qo'liga o'tdi va 64-daqiqada Bosetti penaltidan muvozanatni tiklashga muvaffaq bo'ldi – 1:1 Oradan 13-daqiqa o'tgach Le Marshan Sinitsin darvozasiga ikkinchi to'pni ham kiritdi. Bir kishi kam bo'lib qolgan “Krasnodar“ final hushtagiga qadar vaziyatni o'nglay olmadi. Shu tariqa, “Krasnodar” safarda “Nitstsa”ga imkoniyatni boy berdi. Evropa ligasi
6-tur Nitstsa Frantsiya – Krasnodar Rossiya 2:1 (0:0, 2:1)
Gollar: 0:1 – 51 Smolov, 1:1 – 64, penalti Bosetti, 2:1 – 77 Le Marshan.
Nitstsa – Benites, Byurne, Bodmer, Boskali, Suke (Rafetraniaina, 74), Lusamba, Marsel, Donis (Mau, 68), Le Marshan, Balotelli (Bosetti, 46), Perro.
Krasnodar – Sinitsin, Naldo, Grankvist, Martinovich, Enjeychik, Kuassi, Gazinskiy, Torbinskiy (Kaleshin, 65), Ahmedov, Joaozino, Smolov.
Ogohlantirishlar: Kuassi (25), Balotelli (26), Grankvist (41), Marsel (55).
Chetlatish: Grankvist (61).
— deya xabar beradi uff.uz nashri.