“Manchester Yunayted” jamoasi yarim himoyachisi Genrix Mxitaryan “Zarya”ga qarshi (2:0) o'yindan so'ng o'yin haqida o'z fikrlarini bildirib o'tdi. Odessa shahrida bo'lib o'tgan o'yinda armanistonlik futbolchi uchrashuvning 48-daqiqasida gol kiritishga muvaffaq bo'lgandi. “Ushbu goldan keyin elkamdan tog' ag'darilgandek bo'ldi. Bu vaziyatni uzoq kutgandim va imkon qadar tezroq gol urishni istagandim. Keyingi maqsadim – “Old Trafford”da gol urish. U erda gol urish o'zgacha hissiyot beradi. Ushbu holat tezroq amalga oshishi uchun harakat qilaman. Ikkinchi taym birinchisidan ko'ra yaxshi o'tdi. Birinchi bo'limda ochiq zonalar topa olmayotgandik, uzatmalar esa aniq bo'lmagandi. Ikkinchi bo'limda aksincha biz o'ylagan rejalar amalga oshdi”, – dedi Mxitaryan. 
— deya xabar beradi uff.uz nashri.