Londonning "Arsenal" klubi bosh murabbiyi Arsen Venger hujumchi Olive Jiru yangi shartnoma imzolab, jamoada qolishiga umid bildirdi.
"To'g'risini aytsam, jamoadagi barcha futbolchilar birdek xursand bo'lishlari uchun nima qilish kerakligini bilmayman. Agar senda faqat bir nafar hujumchi bo'lsa, matbuot yana bir hujumchi sotib olish zarurligi haqida yozishni boshlaydi. Ikkinchisini sotib olgandan so'ng, zaxirada qolib ketayotganini qanday qilib yaxshi kayfiyatda ushlab qolish mumkinligini so'rashadi.
Men Jiru "Arsenal" bilan yangi shartnoma imzolashini istayman. U jamoa uchun maydonda va undan tashqarida juda muhim o'yinchi. U shu erda qolishini istayman, chunki u menga inson sifatida yoqadi", - deydi Venger.
Eslatib o'tamiz, 30 yoshli hujumchining o'zi "Arsenal"da yana kamida ikki-uch yil o'ynash istagi borligini bildirgan edi. Jiruning "Arsenal" bilan shartnomasi 2018 yilning yozida yakuniga etadi. U joriy mavsum Angliya chempionatida 7 uchrashuvda 3 ta gol kiritgan.
— deya xabar beradi uff.uz nashri.