"Manchester Yunayted" bosh murabbiyi Joze Mourino "Tottenxem"ga qarshi kechgan va 1:0 hisobidagi g'alaba bilan yakuniga etgan o'yinning qo'shib berilgan daqiqalarida maydonga tushirilgan Maruan Fellayniga nisbatan muxlislar xushtak chalganidan norozi bo'ldi.
"Men bu holatni qabul qilaman, chunki muxlislarning barcha hissiyotlarini qabul qilish lozim. Ayniqsa klub uchun borini berayotgan, ammo bunga javoban u qadar ko'p narsa olmayotgan muxlislarni.
Muxlislar hayolida "Everton"ga qarshi kechgan o'yinda Maruan yo'l qo'ygan xato turibdi (yarim himoyachi zaxiradan maydonga tushgani hamono o'z darvozasiga penalti keltiruvchi qo'pollikka yo'l qo'ygan edi). Fellayni menga futbolchi va inson sifatida yoqadi. Ayniqsa inson sifatida u men uchun muhimroq. Maruan har doim mening ishonchim va himoyam ostida bo'ladi", - deydi Mourino.
— deya xabar beradi uff.uz nashri.