Premer liganing 15 turida “Arsenal” o'z maydonida “Stok Siti”ni qabul qildi va 3-1 hisobida g'alaba qozondi. Uchrashuv boshida Granit Jakaning qo'polligidan so'ng uchrashuv hakami “Arsenal” darvozasi tomon 11 metrli nuqtani ko'rsatdi. Penaltini esa o'zining 31 yoshini qarshilayotgan Charli Adam aniq amalga oshirdi va o'z tug'ilgan kuniga o'zi sovg'a tayyorladi deyishimiz mumkin. Shu munosabat bilan bugun biz bu mavsum APLda huddi Adam singari o'zining tavallud ayyomida gol kiritishni uddalagan futbolchilar bilan sizlarni tanishtirishni maqsad etdik. Loran Koselni(“Arsenal”) Koselni 10 sentyabr kuni tavallud topgan edi va tasodifni qarangki, ayni o'sha kuni futbolchi “Sautgempton”ga qarshi o'yinda maydonga tushadi va og'ir pallada raqib darvozasini ishg'ol etib, hisobni tenglashtirishga muvaffaq bo'ladi. Bu hodisa frantsiyalik futbolchi o'zining 31 yoshini qarshi olgan kuni ro'y bergan edi. Aytgancha, o'sha o'yin 2-1 hisobida “to'pchilar” foydasiga hal bo'lgan edi. Katta ehtimolki, 6 raqam egasi qo'shaloq bayramni nishonlagan. Mesut O'zil(“Arsenal”) Mesut O'zil 2013 yildan buyon “kanonirlar” safida to'p surib kelmoqda va jamoaning asosiy figuralaridan biriga aylanib ulgurgan. Venger jamoasi hozirga qadar bu mavsumda barcha musobaqalarda 60 ta gol urishnining uddasidan chiqqan bo'lsa, shularning 9 tasini O'zil kiritgan. Jumladan futbolchi o'zining 28 yoshini qarshilagan kuni “Arsenal” “Emireyts”da  APL doirasidagi navbatdagi o'yinini “Suonsi”ga qarshi o'tkazdi. Murosasiz tarzda o'tgan bellashuvda “oqqushlar” 2-3 hisobida mag'lub bo'lgan holda ortga qaytib ketishgan edi. O'shanda “Arsenal”ning so'nggi golini aynan O'zil kiritgan edi va o'zining bayramiga germaniyalik futbolchining o'zi munosib sovg'a tayyorlagan edi. Nolito(“Manchester Siti”) Ushbu yozda “shaharliklar” safiga “Selta”dan kelib qo'shilgan Nolito jamoa safida hozirga qadar 6 ta gol kiritishga muvaffaq bo'ldi. Jumladan 15 oktyabr kuni “Everton”ga qarshi kechgan o'yinda zahiradan maydonga tushib hisobni tenglashtirishga erishadi. Qizig'i aynan o'sha kuni Nolito 30 yoshga to'lgan edi. Maqolaning davomi penalti.uz saytida.
— deya xabar beradi uff.uz nashri.