«Navbahor» O'zbekiston chempionatlarining oliy ligasida shu kunga qadar “Qizilqum” bilan 31 uchrashuvda kuch sinashgan. O'zaro o'yinlarda futbolchilarimiz 11 marta g'alaba qozonishgan. 11 ta o'yinda esa durang kuzatilgan. Navoiyliklar hisobidagi g'alabalar soni to'qqiztani tashkil etmoqda. To'plar nisbatidagi ko'rsatkich esa 41-33, «Navbahor» foydasiga. Jamoalarning ilk o'yini esa 2000 yili o'tkazilgan. Namanganda o'tgan dastlabki bahsda zarafshonliklar g'alabani qo'lga kiritishgandi.
Ikkinchi davra o'yinida esa «Navbahor» safarda uch ochkoni qo'lga kiritgandi. Aksariyat uchrashuvlarda «Qizilqum» jamoamizga noqulay raqib ekanligini namoyish etgan. Xususan jamoamiz, 2008-2010 yillar oralig'ida zarafshonliklarni mag'lubiyatga uchrata olmagan. O'z maydonida uch bor durang qayd etgan jamoamiz safarda ikki bor imkoniyatni boy bergandi. “Lochinlar” navoiyliklarni ustidan erishgan eng yirik g'alabasi 4:0 hisobida bo'lgan. Jami jamoamiz “Qizilqum”ni uch marotaba yirik hisobda taslim etgan. Raqib esa “Navbahor”ni o'z tarixida bir marotaba (2006 yil) 3:0 hisobida mag'lubiyatga uchratgan xolos.
Tomonlarning o'zaro to'qnashuvidagi eng sermaxsul o'yin 2004- yil kuzatilgan. Namanganda bo'lib o'tgan o'sha uchrashuvda o'yingohga yig'ilgan tomoshabinlar 7 ta golga guvoh bo'lishgandi. Bu yilgi chempionatning birinchi davrasidan o'rin olgan uchrashuvda navoiyliklar 3:2 hisobidagi g'alabani qo'lga kiritishgandi. Baxriddin Vahobovnnig uchta goliga Mo'ydin Mamazulunov o'z “dubli” bilan javob qaytargan.
O'zaro o'yinlarda qayd etilgan natijalar:
 2000 yil
"Navbahor" - "Qizilqum" - 1:2
 2001 yil
"Navbahor" - "Qizilqum" -  1:0
 2002 yil
"Navbahor" - "Qizilqum" -  4:0
 2003 yil
"Navbahor" - "Qizilqum" -  2:2
 2004 yil
"Navbahor" - "Qizilqum" -  5:2
 2005 yil
"Navbahor" - "Qizilqum" -  2:1
 2006 yil
"Navbahor" - "Qizilqum" -  1:1
 2007 yil
"Navbahor" - "Qizilqum" -  1:2
 2008 yil
"Navbahor" - "Qizilqum" -  1:1
 2009 yil
"Navbahor" - "Qizilqum" -  1:1
 2010 yil
"Navbahor" - "Qizilqum" - 1:1
 2011 yil
"Navbahor" - "Qizilqum" - 3:0
 2012 yil
"Navbahor" - "Qizilqum" -  0:0
 2013 yil
"Navbahor" - "Qizilqum" -  1:0
 2014 yil
"Navbahor" - "Qizilqum" -  2:0
— deya xabar beradi uff.uz nashri.