"PSJ" bosh murabbiyi Unai Emeri Chempionlar ligasi 1/8 finalida "Barselona"ga qarshi kechadigan o'yin haqida fikrlarini bildirdi.
"Bu bosqichda turli holatlar ro'y berishi mumkinligini yaxshi bilardim va yuqori saviyadagi jamoaga qarshi kurashish lozimligidan boxabar edim. Biz g'alaba qozonishni istaymiz.
Biz ikkita yaxshi o'yin o'tkazishga tayyormiz. Bizda "Barselona"dan o'tish imkoniyati mavjud.
Har ikki jamoa ham g'alaba qozonish imkoniyatiga ega. Foizlar haqida so'z ochishni istamayman, ammo shaxsan o'zim "Barselona"ga qarshi maydonga tushishimizdan mamnunman", - deydi Emeri.
Eslatib o'tamiz, Unai Emeri faoliyati davomida faqat bir marta "Barselona"ga qarshi kechgan o'yinda g'alaba qozongan.
— deya xabar beradi uff.uz nashri.