Madridning "Real" klubi hujumchisi Karim Benzema haydovchilik guvohnomasi bo'lmagani holda avtomobilini boshqarmoqda.
Frantsiya terma jamoasi hujumchisi do'stlari bilan restoranda kechki ovqat tanovul qilgach, politsiya tomonidan ushlangan. Boz ustiga Benzema politsiyaning guvohnomani ko'rsatish talabiga javoban qandaydir hujjatni ko'rsatib, bu vaqtinchalik ruxsat beruvchi guvohnoma ekanini aytgan. Ammo politsiya hujumchiga yo'lda davom etishga ruxsat bermagan. Garchi Benzema qamoqqa olinmasada, bu holat haqida tegishli idoralarga xabar berilgan.
Eslatib o'tamiz, Benzema tezlikni oshirgani uchun 8 oy muddatga guvohnomadan mahrum qilingan edi. Shu bilan birga futbolchi avtomobilini boshqarishda davom etmoqda va bir necha bor qo'lga tushirilgan.
— deya xabar beradi uff.uz nashri.