Bugun Abu-Dabi shahri (BAA)da dzyudo kurashi bo'yicha “Ulkan toj” turkumiga kiruvchi yirik xalqaro turnir boshlanadi.
Dunyoning 88 davlati vakillari ishtirokida o'tkaziladigan mazkur nufuzli musobaqada 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmalari uchun reyting ochkolar o'ynaladi.
Ushbu yirik musobaqada Vatanimiz sharafini Diyorbek O'rozboev (-60 kg), Rishod Sobirov (-66 kg), Sharofiddin Boltaboev (-73 kg), Yahyo Imomov (-81 kg), Ramziddin Saidov (-100 kg), Abdullo Tangriev (+100 kg) va Gulnoza Matniyozova (-70 kg) himoya qiladilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.