"Manchester Yunayted" bosh murabbiyi Joze Mourino jamoa hujumchisi Zlatan Ibrahimovich bilan ish boshlagan ilk kundayoq Angliya chempionati dam olish joyi emasligini aytganini ta'kidladi.
"Men Ibrahimovichning tabiatini yaxshi bilaman. Uning yoshida futbolchi to'liq shakllanib bo'ladi, qahramon, shaxs va ulkan ishtiyoqqa ega insonga aylanadi.
U Angliyada namoyish etishi mumkin bo'lgan narsalarni tushunib turgan edim. Ammo unga darhol Angliya chempionati dam olish joyi emasligini aytib, ogohlantirdim. Agar fenomenal faoliyatga ega boy yigit Angliya chempionatiga kelsa, dam olish uchun kelmaydi, albatta. Premer liga - dunyoning eng murakkab chempionati", - deydi Mourino.
— deya xabar beradi uff.uz nashri.