"Arsenal" bosh murabbiyi Arsen Venger Mesut O'zil va Aleksis Sanches bilan yangi shartnoma borasida kelishuvga erishilmaganidan xavotirda emasligini ma'lum qildi. Eslatib o'tamiz, har ikki futbolchining shartnomasi bir yarim yilda yakuniga etadi.
Eslatib o'tamiz, Aleksis Sanchesga Xitoyning "Xebey Chayna Forchun" klubidan taklif tushgani va haftasiga 500 ming funt maosh va'da qilishgani aytilgan edi.
"Har ikkisining shartnomasi 18 oyda yakuniga etadi. Ammo hech qanday xavotirga o'rin yo'q. Balki jurnalistlarga gazetasi uchun ko'proq ijod kerakdir.
Xitoy? Agar odamlar Xitoyga ketishni istashsa, Xitoyga ketadilar. Mening esa "Manchester Siti"ga qarshi kechadigan o'yin oldidan ishim etarli. Shunday ekan, bu mavzuni yopdim deb o'ylayman, boshqa aytadigan gapim yo'q", - deydi Venger.
— deya xabar beradi uff.uz nashri.