O'zbekiston terma jamoasi yarim himoyachisi Odil Ahmedov "Krasnodar" klubi matbuot xizmati bilan qilgan suhbatida JCh saralashi borasidagi savollarga javob qaytardi.
- Siz kuzda O'zbekiston terma jamoasi safida ikkita gol urishga muvaffaq bo'ldingiz. Sardorlik bog'ichi sizga yangi ishtiyoq bag'ishladimi?
- (Kuladi). Ha, menimcha sardorlik bog'ichi menga omad keltirmoqda. Yaqinda Bahreynga qarshi kechgan bahsda ham hujumga o'tdim va jarima maydonchasiga kirgach, jamoadoshim menga aniq pas tashlab berdi. Men chap oyoqda zarba bermoqchi edim, ammo to'p o'ng oyog'imga tegib, yo'nalishni biroz o'zgartirdi va raqib darvozaboni bundan chalg'ib qoldi. Aslida o'sha vaziyatda zarba ham o'xshamagandi, ammo to'p darvozadan joy oldi. Bu erda omadsiz ish bitishi qiyin.
- Terma jamoaga yangi bosh murabbiy tayinlangach, O'zbekiston uchta o'yinda ham g'alabaga erishdi. Babayan qanday o'zgarishlar qila oldi?
-Babayan eng avvalo juda kuchli ruhshunos ekanini aytish lozim. U butun jamoa bilan va har bir futbolchi bilan alohida gaplashib oldi. Har biriga kerakli gaplarni ayta oldi va barchaning kayfiyati ko'tarildi. Yigitlar o'z kuchiga yana ishona boshladilar va yaxshi natijalar ham kuttirib qolmadi.
- 12 noyabrda terma jamoa eng muhim o'yinlardan birida maydonga tushadi - KXDRni engish shart. Bu o'yinga tayyorgarlik kuchli kechayotgan bo'lsa kerak?
- Albatta, chunki bu 6 ochkoga tortadigan o'yin. O'zbekistonda hamma terma jamoa JChga chiqishini orzu qilmoqda. Buning uchun esa guruhda birinchi o'rinni olib, keyingi bosqichga chiqish shart. Shu sababli hamma bu o'yinni intiqlik bilan kutmoqda.
Bizni esa KXDRga qarshi kechadigan o'yinda faqat g'alaba qanoatlantiradi va o'yinga jiddiy tayyorgarlik ko'rmoqdamiz. Shimoliy Koreyaga qarshi kechadigan o'yinda muxlislar ishonchini oqlashimiz shart.
— deya xabar beradi uff.uz nashri.