Ispaniya chempionati 16-turidan o'rin olgan «Barselona» – «Espanol» uchrashuvi o'z nihoyasiga etdi. Uchrashuvning 18-daqiqasida Luis Suares hisobni ochdi va bu hisob bo'lim so'nggiga qadar o'zgarmadi. Ikkinchi bo'lim «Barselona» hujumlari ostida boshlandi. 67-daqiqada Suares uchrashuvdagi o'zining va jamoasining ikkinchi goliga mualliflik qildi. Oradan bir daqiqa o'tib Xordi Alba hisobni 3:0 ko'rinishiga keltirdi. Uchrashuvning 79-daqiqasida mehmonlar vakili David Lopes hisobni biroz qisqartirgan bo'lsa, asosiy vaqtning so'nggi daqiqasida Messi o'z ismini tabloga yozdirib qo'ydi va «Barselona»ning yirik hisobdagi g'alabasiga o'z hissasini qo'shdi. Ispaniya chempionati 16-tur Barselona – Espanol 4:1  Gollar: 1:0 – 18 Suares, 2:0 – 67 Suares, 3:0 – 68 Alba, 3:1 – 79 Lopes Silva, 4:1 – 90 Messi. Barselona – ter Stegen, Suares, Pike, Alba, Buskets (Umtiti, 74), Maskerano, Suares (Rafinya, 66), Serdji Roberto, Inesta, Neymar, Messi. Espanol – Lopes (Roberto, 53), Lopes, Reyes, Karikol, Diop, Xavi Fuego, Xurado, Lopes Silva, Pyatti (Reyes, 79), Kaysedo (Melendo, 71), Moreno. Ogohlantirishlar: Pyatti (10), Karikol (13), Kaysedo (65).
— deya xabar beradi uff.uz nashri.